مشه بایرام

یازار : علیرضارضائی

+0 به یه ن

dd

کندیمیزین لوطی سی «مشه بایرام»آروادی «خجه» ایلن ساواشیب اورتالاری بترقاریشمیشدی .آرواد دؤرودآی ایدی کی اوندان کؤسوب وگئجه لر اونا دال چئویریدی .«مشه بایرام»هرنه یالواریاخارائدیب وپوخ یئدیم دئییردی هئچ تاثیری یوخودو.

«مشه بایرام»گئجه دن سحره اوگئجه لرکی آروادقوجاغیندا یاتیب اونو نازائیله ییردی!یاداسالیب وگؤزل خاطیره لره گؤره اؤکؤراؤکورآغلاییب وگؤزیاشی توکوردو.

آیین اون بشی وجومه گئجه سی ایدی.«مشه بایرام» یاتاغدا یاتیب،آروادی اویاندا اوندان اوزاق یاتمیشدی. بیردن قاپی سسلندی.«خجه خانیم» قاپینین سسین ائشیدیب،قورخوب ومشه بایرامین قوجاغینا دوشدو.بوقوجاغاگلمکدن «مشه بایرام» سئوینیب سانکی دونیانی اوناباغیشلاییبلار!هی آلاهاشوکورلر دئدی.

«خجه خانیم» اؤزنو«مشه بایرامین» قوجاغینابرک سیخیب،مشه بایراما دئدیآکیشی ائویمیزه اوغروگلیب دوراونوائودن قوو،الان  دیرکی بوتون شی لریمیزی آپارسین».

«مشه بایرام»برکدن بیر گؤزوم اؤسته دئییب،یئریندن قالخیب اوغرونوآختارماغاباشلادی.گزه گزه چوماق الینده پیسنه یه ساری گئدیب،اوغرونواوردا گؤردوکی گیزله نیب دیر.قاباغاگئدیب،یاواشجا اونوقوجاقلاییب، آندیندان ویاناغیندان اؤپوب،دئدیآکیشی سن چوخ کیشی سن .منیم آروادیم دؤردآیی ایدی کی مند َن کؤسموشدو.بوزامان سن باعث اولدون کی او منیمله باریشسین!هرنه ایستیرسن گؤتورآپارکی حلالین اولسون»!


  • [ ]