دونیا اونو اونوتماز
اؤلوم اونو قوروتماز
یاری گؤزل اولانین
گؤزونو یوخو توتماز
Dünya onu unutmaz
Ölüm unu qurutmaz
Yari gözəl olanın
Gözünü yoxu tutmaz

ای عاشق باغ تو دوشان دل ما

بر شاخه ی تو اورانگوتان دل ما

بگذار کی گلسین و بیر آز کیف ائله سین

در پستوی قلب تو سیچان دل ما

پیس دیر درین اولماسا
دادلی،شیرین اولماسا
دی گؤروم حایات نه دیر
شراب ،قادین اولماسا ؟
Pistir dərin olmasa
Dadli,şirin olmasa
Di görüm hayat nədir
Şərab,qadin olmasa

یالان دیر سؤزلری،سَم دیر،ضرر دیر
چالیشماق،هر زادی،عؤمرو هدر دیر
یاخینلاشما اونا،یولداشلیق ائتمه
عاغیل سیز دوست دشمن دَن بتر دیر
Yalandır sözləri, səmdir, zərərdir
Çalışmaq, hər zadı, ömrü hədərdir
Yaxınlaşma ona, yoldaşlıq etmə
Ağılsız dost düşməndən bətərdir

ازیلیب جانلاریمیز

قورویوب قانلاریمیز

حالیمیزا آغلاییر

یورغون یورغانلاریمیز

Əzilib canlarımız

Quruyub qanlarımız

Halımıza ağlayır

Yorğun yorğanlarımız

ساغلام قوجادان، دوزگون ایگیددن ال چَک
پیس جور قاپی باغلانیب ،کلیددن ال چَک
ایراندی جهنم،یازیلیب تابلوسونا
گلدین بورا هر ایستَک،اومیددن ال چَک

آج آدام گئدر ایشَه

ایت سود وئرَر چَپیشَه

گون اولار، دوران دونَر

اولموش اومید یئتیشَه

الهی اورپانی ویران ائله

پوخا باتمیش ایرانی آلمان ائله

دی یاغسین بولوددان شراب و عرق

بورانی بهشت ائیله،جبران ائله

نه دیر انقلاب زن و زندگی

قیز-آروادلاری اولدور اوغلان ائله

عزادان یورولدوق بیزیم ایچین بیر آز

چالیب اویناماق فیلمین اکران ائله

گوناهیم چوخالدی،منی توت آپار

گوزللر قوجاغیندا زندان ائله

تویوغی خروز و خروزی تویوق

پیشیک خصلت انسانی سیچان ائله

کدو تاپمادین زجر و تنبیه ائله

جهنّم ده شیخی بادمجان ائله !

اگر سن کیشی سن او دونیادا یوخ

قوجا آروادی بوردا جیران ائله !

بو دونیا جنّتِ نادان اولوبدور

اوره یی قان گوزل اینسان اولوبدور

دئدین : دونیا نه دیر ؟ بیر سینمادا

مزخرف فیلم دیر،اکران اولوبودور !!

عشقی چوخ گؤرور منه
دردلری سؤرور منه
دونیا بیر قودوز ایت دیر
ازلدن هؤرور منه
Eşqi çox görür mənə
Dərdləri sörür mənə
Dünya bir Quduz it dir
Əzəldən hürür mənə